PICHISTA APICHIS

“PICHISTA APICHIS”

Ckari sachapi causajcka yachan imainachus naturalezacka súj layaspa rín sapa puchau cháyrayku tataykunaka chiripachapi, mayo juli, pachayaptin, ninap muyunpi o patapi tutawan rimas cutejcaranku súj yanuna turumanta ruasckapi y nockaykucka wayna runas llojsejcaracarayku pichista apichej ashca yanasus tinkuna kojcarayku, apichejkunacka karayku Justino, y Juanchi Leiva, Seraín Bazán (Wawa) ciudarmanta pas amojcaranku máscaj imatapas cachun chayajkuna waquin cutis noviyckaychisan ná masiyakus rejcaranku!, cuenta sojniychiscka nocka mi cani Vitu Barraza ñujñaj carayku sapa sapa riunanasmanta atiscka yshmanta yapapus yapapus chaina pujllajina cusiyacojkarayku, ancha ashca ashckosta apejcarayku machu Vizcachaina sároj sisa cajcara ashcketu y apidorcka! Samaynencka ancha llañitu pichispajká ckaanquishman fachanta mana casunapajina, tullitu, utulita  ancha sajrayascketa, uyancka yacka atojina páycka ja ja ja..! ckaranpi apajcara tukuima canisckasta mackanafusckanmanta tukuima bichusan, chayrayku ashcko cáchaj cajcara, ina astawan niyquishman huayraman mútquis sencketant churaptencka mana imapaschu ckespipojcara, paypa yanasun masincka cajcara súj ashko ancha átun “urmachej” cara sutencka, piña pay sapallan ina, tantaku waynas mantacka astawan atun cara Serafin (Wawa) Bazán pay ruajcara pitanas chalamanta wasimanta sayriwan y yachachiajniycujcara pitayta  múnaptiycó! Carup carup sámaj sayaptiyku súj súmaj anajpapi urinpi pichascka, unitalla kuyllursmanta rikuris ancha ckayllas yacka maquian chamcanapajina!! Ckonckayllamanta “ararakuku” ckaparejcara cháy tuta chaupinmanta cuchuspa ashkos ruasckancunata.

Chaymantá purerayku pitapojina mana ancha caruta, y uyarerayku ashcko sarojsisa súj wamaj pichita ná apisckanta, wayracachas ckemicorayku ckaas panparakos imainachus pichit cayman chackayman chaprejcara, ¡wajcha pichita! Chayna wasanwasanlla apiskamapera ishkayta, kimsata, pichcata, kanchista, nockaykó pallaspalla rerayku su chuspa atunpi wackaychaspa, chá sacha risckaycupi, sisa sároj tarerasúj pichi pampasckata, pacacus ashpa abajupi, rishcara pichecka y ashckoscka wasanta aspipus imat taripanckanku pichitacka! Ja ja ja nockayku runas apispa purerayku suj palaysúj tújsidor wachi chayan pichit tujserayku, waimajta uyaripus mayrajpichus pichi richcara abajuta chaina sayacherayku mana astawan aspinanpaj  chaymantá na chuspa untasckawan muyojcarayku huasiman yachaspa ckayacka mikúy tiajrisckanta.

                                                                            Autor : Vitu Barraza

                                                                               7/07/2012 – 13hs